ننګرهار کې د ځمکې غصب او غصب شويو ځمکو د بېرته راګرځولو کمېټې غونډه دائره شوه
د ننګرهارولایت د امارتي، مرعي او وقفي ځمکو د غصب څخه د بېرته راګرځولو تخنیکې پلاوی ټولو غړو د ننګرهار د کرنې ادارې او تخنیکې پلاوی رییس مولوی عبدالستار محمد په مشری غونډه ترسره کړه.
ددې غونډې په ترڅ کې پر بېلابېلو موضوعاتو د خبرو اترو ترڅنګ، د مهمندرې ولسوالۍ ۲۹ ، ۳۰ او ۳۱ویالو کې د شش جریبه ځمکو په اړوند بحث وشو، چې نوموړې ځمکې د وخت د حکومتونو لخوا ملغاء شوی باید لومړې تثبیت او بیا د نافذه قوانینو په رڼا کې پری تصمیم ونیول شي .
همدا راز د جلال اباد ښار د څلورمې ناحیې په مربوطاتو کې د سخي صاحب په نامه وقفي ملکیت په اړوند تصمیم ونیول چې سیمه به د غاصبینو د منګلو څخه خلاصوی او اوقافو ریاست ته به یې تسلیموي .
غونډه کې د غوچکو قریي اوسیدونکو، د جلال اباد ښار د څلورمی ناحیی اوسیدونکې ، کامې ولسوالی او حصارک ولسوالیو د اوسیدونکو ستونزې او مشکلات هم واوریدل شول.
