ننګرهار کې د نیالګیو روزونکو د ستونزو حل په پار ناسته وشوه
۵ وری ۱۴۰۵ه.ش
۷ شَوّالُ المُکَرَّم ۱۴۴۷ه.ق
د ننګرهار ولایت د کرنې او مالدارۍ تولیداتو خوني رییس اجمل رحماني او د نیالګیو روزونکو ټولنې مسؤل روح الله مومند او نورو چارواکو د نیالګیو روزونکو ستونزې او غوښتنې د ننګرهار دکرنې رییس مولوي عبدالستار محمد سره شریکې کړې.
د کرنې او مالدارۍ د تولیداتو خوني رییس اجمل رحماني په ننګرهار کې د نیالګیو روزونکو ستونزې، غوښتنې، وړاندیزونه او لاسته راوړنې شریکي کړي.نوموړې وویل، چې سږکال په ننګرهار کې د خصوصي سکتور له لورې په میلیونونه مېوه لرونکي، بې مېوې او زینتي بوټي او نیالګي دهېواد د سمسورتیا په موخه روزل شوي وي. ښاغلي رحماني دغه راز وویل، چې په ننګرهار کې نیالګیو روزونکي د ځمکو کموالي، شنوخونو کمښت، کرنیزوپورونو کموالي، د کرنیزو شرکتونو مالي سیستمونو اسانه کولو او بازار موندنې هغه ستونزې دي، چې د نیالګیو روزونکي ورسره مخ دي.
په همدې حال کې د ننګرهار د کرنې، اوبو لګولو او مالدارۍ رییس مولوي عبدالستار محمد راغلو مسؤلینو ته د نیالګیو روزنې په برخه کې د نافذه قوانینو په رڼا کې د پوره همکارۍ او همغږۍ ډاډ ورکړ.
