ننګرهار کې د نیالګیو روزنځایونو پراخولو او نیالګیو تولید په موخه د همغږۍ ناسته وشوه
۲۳ کب ۱۴۰۳ه.ش
۱۳ رَمَضانُ المُبارَک ۱۴۴۶ه.ق
د ننګرهار د کرنې ریاست د طبیعي زیرمو امر قاري کاهون عبدالرحمن اتل د خپلو کارکوونکو سره د نیالګیو روزنې د سیمو پراخولو او دهغو امارتي قوریو چې کارونه یي په ټپه ولاړ دې د بېرته فعالولو او نورو اړونده کړنو په موخه د همغږۍ ناسته ترسره کړه.
د طبیعي زېرمو امر قاري کاهون عبدالرحمن اتل کارکونکو ته وویل، چې د غلام حیدرخان، مملي او فارم جدید کې پاتې سیمې هم د راتلونکي کر لپاره برابره کړي، ترڅو نیالګي پکې وکرل شي، همدارنګه دهغو قوریو چې شاړې پاتې دي او د مملي باغ ددیوالونو جوړولو لپاره کرنې وزارت ته پیشنهاد ولیکل شي، چې د راتلونکي کال په بودیجه کې ځای پر ځای شي.
دغه راز د ځنګلونو او انجمنونو مدیرانو ته په ولسوالیو کې دځنګل لرونکو ټولنو سره دهمغږۍ او ځنګلو قطعي مخنیوي په برخه کې د لازمو اقاماتو ترسره کولو سپارښتنې هم وشوې.
