ننګرهار کې د مېوه لرونکو ونو د نیالګیو اېښودو کمپین پیل شو
![کمپین نهالشانی درختان میوهدار در ننگرهار آغاز شد](https://www.mail.gov.af/sites/default/files/2021-01/142348673_3996267800397790_7756975237140113573_o.jpg)
۵ سلواغه ۱۳۹۹
د کرنې، اوبولګولو او مالدارۍ وزیر ډاکټر انوارالحق احدي له خوا د ننګرهار په ولایت کې د مېوه لرونکو ونو د نیالګیو اېښودو کمپین پیل شو.
په دې غونډه کې د ولسمشر سترسلا کار او د ننګرهار والي ضیاءالحق امرخېل او د ننګرهار یوشمېر نورو حکومتي چارواکو ګډون درلود.
باید وویل شي، چې د کرنې وزارت په ۱۴۰۰ ام مالي کال کې، د ننګرهار ولایت په بېلابېلو ولسوایو کې د مېوو له ډلې د سټروسو، املوکو، شفتالو او نورو مېوو دوه زره جریبه بڼونه جوړوي. ددغو بڼونو د جوړولو ټولیز لګښت، ۷۷ میلیونه افغانۍ ده.