ننګرهار کې د ملکيت حقونو د تثبيت کمېټې کار پیل کړ
۲۸ غویی ۱۴۰۵ه.ش
۱ ذُو الحِجَّةِ ۱۴۴۷ه.ق
د ننګرهار کرنې، اوبو لګولو او مالدارۍ رییس مولوي عبدالستار محمد له لورې د بېلابېلو ادارو استازو په شتون کې دملکیت حقونو تثبيت کمېټې د کارونو او چارو پرانیسته وشوه.
د ننګرهار کرنې، اوبو لګولو او مالدارۍ رییس مولوي عبدالستار محمد کارکوونکو ته په کارونو کې شفافیت او امیرالمومنین حفظه الله کورونو جوړولو او ودانیزو چارو فرمان مطابق د اجرآتو ترسره کولو سپارښتنې وکړې.
یاده کمېټه چې داستیناف محکمې، ښاروالۍ، مستوفیت او کرنې ریاست مسلکي انجینرانو او کارکوونکو څخه جوړه شوي ده په ننګرهار کې به په ودانیزو چارو او کورونو جوړولو کې خلکو ته د کارونو جواز ورکولو او اسانتیا برابرولو لپاره چوپړتیاوې وړاندې کوي.
