ننګرهار کې دکرنې او مالدارۍ سکتور پیاوړتیا او ستونزو حل په موخه د همغږۍ ناسته ترسره شوه
۶غبرګولی ۱۴۰۴ ه.ش
۲۹ ذُوٱلْقَعْدَةِ ۱۴۴۶ه.ق
د ننګرهار د کرنې، او بولګولو او مالدارۍ رییس مولوي محمد ولي محسن د خپل کار په دفتر کې د یوناما د ختیځ زون د مشرې کلیرا میکالوا سره د کرنې او مالدارۍ برخې ستونزو تشخیص او حل لارې موندلو په موخه وکتل.
د ننګرهار د کرنې، اوبو لګولو او مالدارۍ رییس مولوي محمد ولي محسن د ننګرهار د کرنې ریاست ستونزې، غوښتنې او وړاندیزونه د یونما د خنیځ زون له مشرې سره شریکې کړې.
ښاغلي محسن دسړو خونو، شنو خونو جوړولو، بڼوالۍ، ځنګلونو بیا رغولو، اصلاح شوي تخمونو، د نسلي غواګانو، وزو وېش، واکسینونو، حیواني درملو، پروسس وسایلو او نورو اړونده برخو کې د همکاریو غوښتنه وکړه.
د یوناما د ختیځ زون مشرې کلیرا میکالوا وویل، هڅه کوی د ننګرهار د کرنې ریاست ستونزي او غوښتنې راټولي او په راتلوونکي کې د یوناما له لارې د ملګرو ملتونو نورو اداراتو، سفارتونو استازو او نورو مرستندویه ادارو سره د حل په موخه شریک کړي.
