ننګرهار ته د کرنیزو څېړنو انسټیټوټ د لوی رییس سفر
۵ چنګاښ ۱۴۰۳ه.ش
۱۸ ذیالحِجّة ۱۴۴۵ه.ق
د کرنې، اوبولګولو او مالدارۍ وزارت کرنیزو څېړنو انسټیټوټ لوي رییس مولوي نصرت الله طلحه د ننګرهار څېړنیز فارم ستونزو حل، اوړي موسم مېوو نندارتون کې ګډون او نورو اړونده مسایلو په موخه ننګرهار ولایت ته سفر وکړ.
ددې سفر په ترڅ کې د کرنیزو څېړنو انسټیټوټ لوي رییس مولوي نصرت الله طلحه د ننګرهار د کرنې رییس مولوي محمد ولي محسن سره په کتنه کې پر بېلابېلو موضوعاتو د بحث ترڅنګ د ننګرهار دکرنې رییس د ننګرهار څېړنیزفارم کې شته ستونزې، لاسته راوړنې، او راتلونکي پلانونو د کرنیزو څېړنو انسټیټوټ لوي رییس ته وړاندې کړل.
نوموړي د ننګرهار په څېړنیز مرکز کې د کاریګرو کمښت، څېړنیز فارم د ځمکي کموالي، اوبولګولو د مناسب سیستم نشوالي او نورې اړونده ستونزې شریکې کړې.
په همدې حال کې دکرنې وزارت د کرنیزو څېړنو انسټیټوټ لوي رییس مولوي نصرت الله طلحه د ننګرهار دکرنې رییس ته د هراړخیزې همکارۍ ډاډ ورکړ.
ښاغلي طلحه وویل، چې د ننګرهار څېړنیز فارم ستونزې به د کرنې وزارت له مشرتابه سره د حل په موخه شریکې کړي.
