میدان وردګ او اروزګان کې دڅارویود پوستکي ناروغۍ پر وړاندې د واکسینو کمپاین پیل شو
۷ تله ۱۴۰۳ه.ش
۲۵ رَبِیعُ الْأَوَّل ۱۴۴۶ه.ق
د میدان وردګو او اروزګان ولایتونو دکرنې، اوبولګولواو مالدارۍ ریاستونه دملګرو ملتونو دخوړو اوکرنې ادارې په همکارۍ د یادو ولایتونو د مرکز په ګډون په ټولو ولسوالیو کې د څارویو دپوستکي ناروغۍ پر وړاندې د واکسین کمپاین پیل کړی دی.
دغه پروسه چې د «اف،اې،او» په مالي همکارۍ ترسره کېږی، چې په ترڅ کې به یې د میدان وردګو په ولایت کې ۲۲ زره ډوزه او د اروزګان په ولایت کې ۱۶ زره ډوزه واکسین پر څارویو پلي شي.
تر دې مهاله په دغو ولاستونو کې سلګونه غواګاني واکسین شوي دي، چې د یادو ولایتونو دمالدارۍ آمرینو لخوا یې وخت په وخت نظارت ترسره کېږي.
د لمپي سکین ناروغي د غواګانو او ګاو مېښو یوه ویروسي ناروغي ده، چې د حشراتو د چیچلو له لارې خپریږي، یاده ناروغي له انسانانو د بوټانو، جامو، اړینو وسایلو او سامانونو له لارې خپرېږي.
د نوموړې ناروغۍ له امله حیوانات ډنګرېږي، وزن له لاسه ورکوي او د څارویو پوستکي تخریبېږي، ددې تر څنګ په وخیمو حالاتو کی غولانځې پړسېږي چی له دی سره د شېدو تولید کمېږي.
