میدان وردګو کې د ځمکې غصب او غصب شويو ځمکو بېرته راکرځولو کمېټې غونډه دائره شوه
![میدان وردګو کې د ځمکې غصب او غصب شويو ځمکو بېرته راکرځولو کمېټې غونډه دائره شوه](https://www.mail.gov.af/sites/default/files/2024-03/whatsapp_image_2024-03-12_at_10.46.01_32b9e96d.jpg)
میدان وردګو کې د ځمکې غصب او غصب شويو ځمکو بېرته راکرځولو کمېټې غړو د میدان وردګو دکرنې رييس مولوی عبدالجبار خالد په مشرۍ غونډه دائره کړه.
د غونډې په پيل کې د میدان وردګو دکرنې رييس او د کمېټې مشر مولوی عبدالجبار خالد لارښوونکې وينا ويلو ترڅنګ د تېرې غونډي دپريکړو دتطبيق ارزونه وکړه.
په دې غونډه کې دغه راز ددې ولایت د سیدآباد، چک او نرخ ولسوالیو امنیه قومندانانو په خپلو سیمو کې د امارتي ځمکو په برخه کې شته ستونزې له تخنیکي پلاوی سره شریک کړل. ددې ترڅنګ په غونډه کې د میدان ښار د مرکز اړوند سردار محمدداوود خان د ۲۲۲ نمرو په هکله هم خبرې اترې وشوې او ترڅنګ یې د چک ولسوالی د لنګر دښتې موضوع په اړه هم بحث وشو او دغه راز پرېکړه وشوه، چې د ولایت په کچه د زورواکو جایدادونه مشخص او عوایدو لپاره یې ځانګړې حساب جوړ شي او ترڅنګ یې د دې ولایت د نرخ، چک او سیدآباد ولسوالیو کې د تخینکي پلاوي تر ارزونې لاندې سیمو د کروکي کاپي اړوندو والسوالیو ته ولېږل شي.
په دې غونډه کې دی یوشمېر اشخاصو ترمنځ حقوقي دوسيې، وڅېړل شول او په هکله یې لازمې پرېکړې وشوې.
دغه راز د غونډې په ترڅ کې پر یوشمېر نورو مهمو موضوعاتو هم خبرې وشوې او د عاریضونو دوسیې او ستونزې وڅېړل شول.
بايد وويل شي، چې د میدان وردګو ولايت د ځمکې د غصب مخنيوي او غصب شويو ځمکو د بېرته راګرځولو کمېټه تر دې دمه په دې ولايت کې د ډېرو ځمکو د غصب مخه نيولي او ترڅنګ يې ډېر غصب شوي ځمکې بېرته راګرځولي دي.