میدان وردګو ولایت کې د قوشتیپې ملي کانال پروژې لپاره د سنځلو زرګونه قلمې راټولې شوې دي
۲۶ کب ۱۴۰۳ه.ش
۱۶ رَمَضانُ المُبارَک ۱۴۴۶ه.ق
د میدان وردګو ولایت د کرنې، اوبو لګولو او مالدارۍ ریاست په همغږۍ، د قوشتیپې ملي کانال پروژې لپاره د سنځلو د قلمو راټولولو چارې روانې دي.
تر دې دمه له مرکز میدان ښار او مختلفو ولسوالیو څخه شاوخوا زرګونه د سنځلو قلمې راټولې شوي او د قوشتیپې ملي کانال ته انتقال شوي، چې د ایښودلو بهیر یې دوام لري.
د سنځلو د قلمو راټولولو او بسته بندۍ چارې لا هم روانې دي، چې په لنډ وخت کې به پاتې قلمې هم کانال ته انتقال او د ایښودلو چارې به یې بشپړې شي.
