میدان وردګو ولایت کې د بریا او پرمختګ نیالګی تر عنوان لاندې د نیالګیو اېښودلو کمپاین پیل شو
د امیدان وردګو ولایت دکرنې، اوبولګولو او مالدارۍ ریاست وایي، چې په دې ولایت کې د بریا او پرمختګ تر عنوان لاندې د نیالګیو اېښودلو کمپاین پیل شوی دی.
په دې اړه جوړه شوې غونډه کې د میدان وردګو ولایت والي محمد امین عمري او ددې ولایت د ټولو ادارو چارواکو او د سیمې اوسیدونکو ګډون کړی ؤ.
ددې کمپاین په ترڅ کې به د میدان وردګو ولایت په بېلابېلو سیمو کې زرګونه نیالګي کېښودل شي.
باید وویل شي، چې دکرنې وزارت له خوا هر کال د کب په میاشت کې د نیالګيو اېښودلو ملي کمپاین پیلېږي، چې په ترڅ کې یې د هېواد په ۳۴ ولایتونو کې میلیونونه مثمر او غیر مثمر نیالګي اېښودل کېږي. د کرنې، اوبولګولو او مالدارۍ وزارت د طبیعي سرچینو لوی ریاست سږکال هم څه باندې دوه میلیونه نیالګي تولید کړی دی او ترڅنګ یې د قوریه لرونکو ټولنې او مؤسسې هم څه باندې ۳۲ میلیونه نیالګي تولید کړي دي او ټآکل شوې ده، چې په ۱۴۰۲ یم کال کې به کېښودل شي.
