میدان‌وردګ کې د یوې ستر او معیاري سړې خونې چارې پیل شوې

mail-admin
دوشنبه ۱۳۹۹/۱/۱۸ - ۱۰:۱۰
میدان‌وردګ کې د یوې ستر او معیاري سړې خونې چارې پیل شوې
۱۸ وری ۱۳۹۹
د میدان‌وردګ په ولایت کې د ۱۸۰ میلیونه افغانیو په لګښت د یوې ستر او معیاري سړې خونې د جوړولو چارې پیل شوې. په دې سړه خونه کې به یو زر او ۵۰۰ ټنه مېوې او سابه وساتل شي.
دا سړه خونه د میدان‌وردګ ولایت په مرکز میدان ښار کې جوړیږي.
ددې سړې خونې د بنسټ ډبره د میدان‌وردګو ولایت والي مظفرالدین یمین له خوا کېښودل شوه. یاد سړه خونه، چې د کرنې، اوبولګولو او مالدارۍ وزارت له خوا ډیزاین شوې ده، د ملي تدارکاتو له خوا ملي پراختیا شرکت ته ورکړل شوې ده او ټاکل شوې ده، چې په یونیم جریبه ځمکه کې ورغول شي.
ددې سړې خونې د بنسټ اېښودو په غونډه کې د میدان‌وردګو ولایت والي مظفرالدین یمین وویل، چې د میدان‌وردګو ولایت په ډېرو ځمکو کې بڼوڼه جوړې شوي دي او ددې سړې خونې جوړېدل ددې ولایت بڼوالو او بزګرانو ته په پراخه توګه د ارزښت وړ او اغېزناک دي.
ددې سړې خونې وړتیا به یوزر او ۵۰۰ مټریک ټنه وي. او دغه راز ددې سړې خونې په جوړولو کې به ۱۵۰ کسانو ته د کار زمینه برابریږي او په بشپړېدو سره به یې ۳۰ کسانو ته د تلپاتې دندې زمینه هم برابره شي.
ددې سړې خونې دجوړولو چارې به تر راتلونکو دوو کلونو پورې بشپړ او په لمریز برېښنا به سمبال شي.
دمیدان‌وردګو ولایت چارواکي وایي، چې دغه سړه خونه ددې ولایت بڼوالو او بزګرانو لپاره بسنه نه کوي او باید په دې ولایت کې د سړوخونو شمېر ډېر شي.
باید وویل شي چې د کرنې، اوبولګولو او مالدارۍ وزارت په ۱۰ ولایتونو کې ۱۲ سړې خونې ډیزاین کړي دي، چې د ملي تدارکاتو له خوا تایید شوي او ددغو سړوخونو د جوړلو چارې د ملي پراختیا شرکت ته سپارل شوي دي. ددغو سړوخونو دجوړولو چارې به تر راتلونکو دوو کولونو پورې بشپړ شي.

تازه ترین اخبار

پنجشنبه ۱۴۰۳/۱/۹ - ۱۳:۳۴
Background image

هلمند کې د پستې نیالګیو تولید په پارهڅې، د پستې زرګونه نیالګي تولیدېږي

۹ وری ۱۴۰۳ه‍.ش
۱۸ رَمَضانُ المُبارَک ۱۴۴۵ه‍.ق
د هلمند ولایت د کرنې، اوبولګولو او مالدارۍ ریاست لخوا، د طبیعي سرچینو آمریت اړوند د مرکز لښکرګاه د بولان د نیالګیو روزنځای کې د پستې   پنځه. . .

پنجشنبه ۱۴۰۳/۱/۹ - ۱۳:۲
Background image

ننګرهار کې  ۷۲ زره څارویو ته د چنجیو ضد درمل  او واکسینونو د تطبیق چارې پیل شوې 

۹ وری ۱۴۰۳ه‍.ش
۱۸ رَمَضانُ المُبارَک ۱۴۴۵ه‍.ق
د ننګرهار د کرنې، اوبولګولو او مالدارۍ ریاست په هڅو دافغانستان لپاره د هالینډ کمیټې له لورې د ننګرهار ولایت په ۱۳ ولسوالیو کې څارویو ته د. . .

پنجشنبه ۱۴۰۳/۱/۹ - ۱۳:۱
Background image

ننګرهار کې پر زرګونو مالدارانو د څارویو خوراکي توکي وېشل کېږي 

۹ وری ۱۴۰۳ه‍.ش
۱۸ رَمَضانُ المُبارَک ۱۴۴۵ه‍.ق
د ننګرهار دکرنې، اوبولګولو او مالدارۍ رییس مولوی عبدالستار محمد د اکشن اېډ مؤسسې او هلال هډ،ا کرنیز شرکت چارواکو سره په کتنه کې د یادو. . .

بازگشت