مالي او اداري مرستیال: د ننګرهار کانال ریاست اړوند ټولې ځمکې دې تثبیت شي

mail-admin
سه‌شنبه ۱۴۰۱/۱۱/۱۱ - ۱۵:۱۳
مالي او اداري مرستیال: د ننګرهار کانال ریاست اړوند ټولې ځمکې دې تثبیت شي

۱۱ سلواغه ۱۴۰۱ه‍.ش
۹ رَجَب المُرَجَّب ۱۴۴۴ ه‍.ق
دکرنې، اوبولګولو او مالدارۍ وزارت مالي او اداري مرستیال مولوی فضل الباري فضلي، د یو پلاوي په مشرۍ، ننګرهار ولایت ته د خپل سفر په ترڅ کې ددې ولایت په ښېوې ولسوالی کې د یاد کانال اړوند له غصب شویو ځمکو او د غصب تر ګواښ لاندې سیمو او دغه راز د مالټې نوې جوړېدونکي فارم او نورو تاسیساتو څخه لیدنه وکړه.
ددې لیدنې په ترڅ کې دکرنې وزارت مالي او اداري مرستیال مولوي فضل الباري فضلي وویل:«ټولې شاړې ځمکې چې کرکېله په کې نه کېږي او د غصب له ګواښ سره مخ دي باید ژر تر ژره دې د کانال ریاست له خوا خکلو ته په اجاره ورکړل شي او یا دغه راز د کانال ریاست له خوا ورغول شي، او په کې فارمونه او نور تاسیسات جوړ شي.»
دغه راز مالي او اداري مرستیال د ننګرهار کانال ریاست چارواکو ته سپارښتنه وکړه، چې د یاد کانال اړوند ټولې ځمکې دې باید تثبیت او هغه ځمکې چې غصب شوي دي، د غصب مخنیوي ولایتي کمېټې ته دې معلومات ورکړل شي او ترڅنګ یې مرکز ته هم یو راپور واستول شي، چې له مرکز څخه هم په دې برخه کې مرستې او همکارۍ ووشي، ترڅو د کانال اړوند ځمکې له غصب خلاص شي. 
دا پلاوي د کرنې، اوبولګولو او مالدارۍ وزیر مولوی عطاءالله عمري د حکم پر اساس ددې وزارت مالي او اداري مرستیال مولوی فضل الباري فضلي په مشرۍ د ننګرها کانال د قرادادونو ارزونې، د ننګرهار کانال سیمې د ځمکو تثبیت او ددې کانال د غصب شویو ځمکو بېرته راګرځولو او دغه راز د نورو ځمکو دغصب مخنیوی، د ننګرهار کانال د پورونو بېرته اخیستنې، چې د مختلفو دلیلونو پر بنسټ تر دې دمه پر پوروړو پاتې دي او د ننګرهار کانال په ساحه کې د نویو عایداتي سرچینو تشخیص په پار ننګرهار ولایت ته سفر کړی دی.

تازه ترین اخبار

پنجشنبه ۱۴۰۳/۱/۹ - ۱۳:۳۴
Background image

هلمند کې د پستې نیالګیو تولید په پارهڅې، د پستې زرګونه نیالګي تولیدېږي

۹ وری ۱۴۰۳ه‍.ش
۱۸ رَمَضانُ المُبارَک ۱۴۴۵ه‍.ق
د هلمند ولایت د کرنې، اوبولګولو او مالدارۍ ریاست لخوا، د طبیعي سرچینو آمریت اړوند د مرکز لښکرګاه د بولان د نیالګیو روزنځای کې د پستې   پنځه. . .

پنجشنبه ۱۴۰۳/۱/۹ - ۱۳:۲
Background image

ننګرهار کې  ۷۲ زره څارویو ته د چنجیو ضد درمل  او واکسینونو د تطبیق چارې پیل شوې 

۹ وری ۱۴۰۳ه‍.ش
۱۸ رَمَضانُ المُبارَک ۱۴۴۵ه‍.ق
د ننګرهار د کرنې، اوبولګولو او مالدارۍ ریاست په هڅو دافغانستان لپاره د هالینډ کمیټې له لورې د ننګرهار ولایت په ۱۳ ولسوالیو کې څارویو ته د. . .

پنجشنبه ۱۴۰۳/۱/۹ - ۱۳:۱
Background image

ننګرهار کې پر زرګونو مالدارانو د څارویو خوراکي توکي وېشل کېږي 

۹ وری ۱۴۰۳ه‍.ش
۱۸ رَمَضانُ المُبارَک ۱۴۴۵ه‍.ق
د ننګرهار دکرنې، اوبولګولو او مالدارۍ رییس مولوی عبدالستار محمد د اکشن اېډ مؤسسې او هلال هډ،ا کرنیز شرکت چارواکو سره په کتنه کې د یادو. . .

بازگشت