لښکرګاه کي د چرګانو درملو پلورنځیو څخه څارنه وشوه
۱۴ زمری ۱۴۰۳ه.ش
۲۹ مُحَرَّمُ الحَرام ۱۴۴۶ه.ق
دهلمند ولایت دکرنې، اوبولګولو او مالدارۍ ریاست اړوند د مالدارۍ او حیواني روغتیا آمر حافظ هدایت الله هدایت او اړوند کارکوونکو له لوري د بولان او ناوې پر عمومي سړک د چرګانو درمل پلورونکو څخه نظارت او څارنه تر سره شوه.
تر دې وړاندې د چرګانو ددرملو دغو پلورنځیو مسؤلینو ته سپارښتنه سوې وه چې د خپل کار جوازونه نوي کړي ترڅو چارې یې په اصولي توګه مخې ته ولاړې سي.
په دغه سیمه کي د چرګانو د درملو هغه هټۍ وتړل شوې چې دکرنې وزارت د طرزالعمل خلاف یې فعالیت ترسره کاوه او د کار او فعالیت جوازونه یې نه لرل .
ددې ترڅنګ د یادو درمل پلورنځیو څخه یوه اندازه تاریخ تېر درمل هم راټول او ضبط شول.
په ورته وخت کي د سیمي هټیوالو ته د مالدارۍ او حیواني روغتیا آمر او اړوند مسؤلینو له لوري لازمې سپارښتنې هم وشوې.
