لوګر کې د ځمکې د غصب مخنیوی کمېټې ګډنه ناسته وکړه
۲۸ لړم ۱۴۰۱ه.ش
۲۴ ربیعالثاني ۱۴۴۴ ه.ق
د لوګرولایت په کچه د غصب مخنیوی نوی ټاکل شوی کمیټې ګډه ناسته ترسره شوه. دغه ناسته چې د لوګر د کرنې ریاست په مقام کی جوړه شوې وه په کې د لوګر ولایت دکرنې، اوبولګولو اومالدارۍ رییس مولوی سید امین هاشمي سر بېره د یادې کمېټې غړو ګډون کړي وو.
د ا.ا.ا د امیرالمؤمنین د حکم په اساس په دغه ولایت کې د کرنې رییس تر مشرۍ لاندې یوولس کسیزه کمیټه جوړه او د یاد ولایت مرکز پل علم په ګډون ټولې ولسوالۍ تر پوښښ لاندې نیسې.
د ځمکو دغصب د مخنیوی او غصب شویو ځمکو د تشخیص او تثبیت کمېټه دنده لري، چې د تخنیکي پلاوی او دامارت د قضایاوو د ادارې په حضور کې دامارتي(سلطاني) عامه،مرعي او وقفي غصب شویو ځمکو د اړوندو راپورونو مطالعه،ارزونه او په اړه یې تصمیم نیول، د غصب څخه د رامنځته شویو قضیو ته رسېدنه،عامه مرعي او وقفي ځمکو کې دهر راز غیر شرعي تصرف درول دی.
د یادولو وړ ده، نه یواځې لوګر ولایت کې بلکې په ټولو هغو ولایاتو کې، چې ځمکې غصب شوي وي ذکر شوی کمېټې ټاکل شوي دي تر څو دغصب مخه ونیسي.
