لوګر کې د هندواڼو حاصلات نږدې څلور سلنه زیات شوي
۳ تله ۱۴۰۳ه.ش
۲۱ رَبِیعُ الْأَوَّل ۱۴۴۶ه.ق
د لوګر د کرنې او مالدارۍ ریاست مسوؤلینو د تېر کال په پرتله سږ کال د هنډواڼو په حاصلاتو کې د ۳.۷ سلنه زیاتوالی خبر ورکوي.
د لوګر ولایت د کرنې، اوبولګولو او مالدارۍ رییس مولوي عبدالروف سعید وویل؛ سږکال د لوګر په کچه ټول ټال پر ۳۵۰ هکتاره ځمکه باندې هنډواڼې کرل شوې وې، چې څه شاوخوا ۱۶ زره مټریک ټنه حاصلات لري، چې ترلاسه شوي حاصلات د تېر کال په پرتله ۳.۷سلنه زیاتوالی ښیي.
نوموړي د هنډوانو په حاصلاتو کې د زیاتوالي عمده لاملونه ښه اقلیمي شرایط، د ناروغیو په مقابل کې د هنډواڼو فصلونو څخه ساتنه، بڼوالو ته د عامه پوهاوی برنامو او اړینو توکو وېشل یاد کړل.
د لوګر دکرنې ریاست د مالوماتو له مخې تېر کال لوګر کې پر ۳۵۵ هکتاره ځمکه باندې هنډواڼو کرل شوي وو، چې له امله یې څه باندې ۱۵۵۰۰ زره مټریک ټنه حاصلات ترلاسه شوي ؤ.
د یادونې وړ ده، چې د لوګر په ولایت کې د تېر کال په پرتله سږ کال د انګورو په حاصلاتو کې ۲۰سلنه او د مڼو په حاصلاتو کې هم ٦ سلنه زیاتوالی راغلی دی.
