لوګر کې د هالنډ کمېټې چارواکو او د بزګرانو استازو ترمنځ ناسته وشوه
د لوګرولایت دکرنې، اوبولګولو او مالدارۍ ریاست ددې ولایت د ولسوالیو د کرنیزوچوپړونو مدیریت اود افغانستان لپاره د هالند کميټې مسؤولینو او د اړوندو ولسوالیو د بزګرانوترمنځ ګډه مشورتی ناسته جوړه شوه.
دغه ناسته چې دلوګر ولایت د کرنې اومالدارۍ ریاست دغونډو په تالار کې جوړه شوه وه پکي د مالدارۍ آمر داکتر خان شرین خسروي سربېره د لوګر ولایت دڅلور ګونو ولسوالیو دکرنیزوچوپړونو مدیریت استازو،د اقتصاد ریاست استازی ،د افغانستان لپاره د هالند کمیټې مسؤولینواو د یادو ولسوالیو بزګرانو ګډون درلود.
وروسته د افغانستان لپاره د هالند کمیټې یو تن غړی له لوری ګډونوالو ګډونوالو ته د ناورین پر وړاندې د غبرګون او نوښت تر عنوان لاندې سمینار وړاندی شو.
د افغانستان لپاره د هالند کمیټې مسؤولین په لوګر ولایت کې اوس مهال دوه بېلا بېلې پروژې لري، چې څارویو لرونکو ته د ناروغیو څخه د ساتنې لارښوونو تر څنګ څاریو ته د واکسین تطبیقول دي او د مرکز په ګډون خروار، ازره او څرخ ولسوالۍ تر پوښښ لاندې نیسي.
