لوګر کې د عشر او زکات مدیره پلاوي د عشر ټولولو عاملینو له پروسې څارنه وکړه
![لوګر کې د عشر او زکات مدیره پلاوي د عشر ټولولو عاملینو له پروسې څارنه وکړه](https://www.mail.gov.af/sites/default/files/2024-08/img-20240826-wa0091.jpg)
۵ وږی ۱۴۰۳ه.ش
۲۲ صَفَر المُظَفَّر ۱۴۴۶ه.ق
د لوګر ولایت د عشر او زکات مدیره پلاوی، چی د ولایت مقام، کرنې او مالدارۍ ریاست، استخباراتو ریاست او امنیی قومندانۍ استازو پکې ګډون درلود د مرکز پُل علم اړونده بابوس او بهاري حوزو د عشر ټولولو پروسې څخه لیدنه وکړه.
د لیدنې په لړ کی یی د عشر ټولولو ټاکل شویو عاملینو کړنې یی له نږدې ولیدل، د عاملینو کړنې یې وستایلې او هغوی ته یې د شفافیت په کړنو کې د عدالت او صداقت همدا راز له خلکو سره په ځانګړې توګه له بزګرانو سره د ښه چلند اړوند لازمې لارښوونې او سپارښتنې وکړې.
همدا راز د یادو دواړو حوزو بزګران او بڼوال د عاملینو له چلند راضي دي زیاتویچې سږ کال یې د تېرو کلونو په پرتله حاصلات ښه دي خو حاصلات یی په کمه بیه پېرل کېږي.
عشر او زکات د امیرالمؤمنین حفظه الله د حکم سره سم د کرنې او مالدارۍ ریاست تر چتر لاندی له بزګرانو څخه ټولېږي، چې د کرنې او مالدارۍ وزارت د طرزالعمل په اساس له شفافې لارې د ا.ا.ا عوایدو ته جمع کېږي او په یادې پروسې کې د مرکز پُل علم په ګډون شپږیزو ولسوالیو لسګونه تنو ته پکې د کار زمینه برابره شوې ده.