لوګر کې د شاتو مچیو یوشمېر روزونکو سره مرستې وشوې
د لوګر ولایت دکرنې، اوبولګولو او مالدارۍ ریاست د مالدارۍ ځنځیري ارزښت پروژې «DAI» له لارې د دې ولایت ۳۰ تنه د شاتو مچیو روزنکو ته د روزنې ترڅنګ د شاتو مچیو روزنې اړوند اړینې مرستې کړي دي.
د دغو مرستو په وېش غونډه کې د لوګر د کرنې، اوبولګولو او مالدارۍ رییس مولوی سیدامین هاشمي ترڅنګ د ولایت مقام دفتر رییس مولوی میرویس وحیدالله اود مالدارۍ آمر داکتر خانشرین خسروی ګډون کړی وو.
د چارواکو په خبره د شاتو مچیو دغو روزونکو ته د شاتو مچیو د افتونو او ناروغیو د کنټرول روزنیز پروګرام ترڅنګ په پروګرام کې د شاتو مچیو یادو روزونکو ته تخنیکي کېټ چې په کې موم، دستکشې پولینټر، د دانو لوښې او د مچیو د ساتنې ځانګړې جامې په کې شامل وی وېشلي دي.
ددې مرستې موخه په دې ولایت کې د شاتو مچیو صتعت ته پراختیا ورکول او د شاتو مچیو ټولنو د غړو ملاتړ دی.
