لوګر کې د زعفرانو لس نوي ننداریزې قطعې جوړیږي
۲ چنګاښ ۱۳۹۹
د لوګر د کرنې، اوبولګولو او مالدارۍ ریاست په دې ولایت کې د زعفرانو د ۱۰ نوي ننداریزو قطعو د جوړولو په پار پر یوشمېر بزګرانو د زعفرانو پنځه زره کیلو ګرام پیاز وېشلي دي.
د زعفرانو دغه پیاز د لوګر ولایت په مرکز پل علم او ددې ولایت د برکي برک، څرخ او محمد آغې ولسوالیو پر ۱۰ بزګرانو وېشل شوي دي.
د زعفرانو د پیازو د وېش ترڅنګ برخمن شوي بزګرانو ته د زعفرانو د کرکېلي او حاصل ټولولو په برخه کې روزنه هم ورکړل شوې ده.
