لوګر کې دکرنیزو محصولاتو د بازارموندنې پروګرام پای ته ورسېد
۱۶ وږی ۱۴۰۱ه.ش
۱۰صَفَرالمظفّر ۱۴۴۴ ه.ق
دلوګرولایت دکرنې، اوبولګولو اومالداری ریاست د سولی د بنسټ موسسې (AMP/ROP) په همکارۍ دمحمدآغی، څرخ، خروار او مرکز په ګډون ۳۵ تنه بڼوالو او ۵ تنو سيمه ييزو کارمندانو ته د مڼو حاصلاتو، پخېدو ، راټولو، سمبالښت او زېرمه کولو او همدارنګه د ژمني آفاتو او ناروغیو هر اړ خیزه مخنیوی په موخه دوه ورځنۍ ورکشاپ دمسلکي ترینرانو له خوا دائر او همداراز د روزنيز پروګرام په پای کې ۱۹ تنو مخکښو بڼوالو ته د بڼوالۍ اړونده توکي لکه د شا خه بری قیچی، اره، سوان او د مېوې را شکولو آله ووېشل شول.
دلوګر د کرنې رياست هڅه کوی ترڅوپه منظمه توګه بڼوالو ته د کیمیاوی درملو د استعمال پرځای د نباتي افتونو او مرضونو د مخنیوی لپاره وقایوی اومیخانیکي لارې چارې بزکرانو ته وښيي ترڅو د دوی په اقتصادي او هم په روغتيايي برخه کې مثبتې اغیزې ولري.
