۲۶ غبرګولی ۱۳۹۹

د کرنې، اوبولګولو او مالدارۍ وزارت اړوند د « CLAP » پروژه د «DCA» دفتر په تخنیکي همکاریو د لوګر په ولایت کې د کوچیانو د وریو د مزي کولو برنامه پیل کړئ دی.

ټاکل شوې، چې ددې برنامې په لړ کې د لوګر ولایت په مرکز او ولسوالیو کې د ۱۰۵ کوچي کورنیو ۴۲۰ وري د ۵۰ ورځو لپاره د «مزي کولو» د برنامې تر چتر لاندې ونیول شي. ددې برنامې په ترڅ کې د وریو د څښتنانو په ۳۰ سلنې ونډې سره هر یوه وري ته ۲۵ کیلو ګرامه بیلانس شوي خوراکي توکي په پام کې نیول شوي دي. ددې برنامې پایله به تر ۵۰ ورځو وروسته د وریو څښتنانو ته څرګند شي.

د یادې برنامې د پلي کېدو موخه د حیواني بیلانس شوي خوراکي توکو پېژندل او دغه راز په لږه موده کې د کورنیو څارویو د مزي کولو لارې چارې ښودل دي.