لغمان کې د څارویو خوندیتوب په پار هڅې؛ دوه زره څارویو ته واکسین او درمل ورکول کېږي
۲۰ وږي ۱۴۰۲ه.ش
۲۵ صَفَرُ المُظَفَّر ۱۴۴۵ه.ق
د لغمان کرنې، اوبولګولو او مالدارۍ ریاست د «سرف» مؤسسې په مالي ملاتړ ددې ولایت مرکز مهترلام او قرغیو ولسوالی کې دوه زره څارویو ته د انټرکس بکتریاوي ناروغۍ پر وړاندې وقایوې واکسین او د څارویو داخلي چنجیو وژلو درمل ورکولو لړۍ پیل شوی دی.
دغه پروګرام دلغمان دکرنې،اوبولګولواومالدارۍ ریاست اړوند د مالدارۍ او حیواني روغتیا امریت د وترنرۍ برخې ډاکټرانو له خوا پلي کېږي.
د لغمان د کرنې،اوبولګولواومالدارۍ رییس الحاج مولوي محمدولي محسن وویل، چې دیاد واکسین په تطبیق سره به د څارویو د یوناڅپي مړینې(ټک) ناروغۍ کچه راکمه شي او د څارویو دچنجیو د وژلو کیمیاوي درملو په ورکولو سره به څارويو وده سالمه او محصولاتو کې به یې د پام وړ زیاتوالۍ راشي.
ددې پروګرام موخه د څارویو د ناروغیو مخنیوی او په ټوله کې په دې ولایت کې د مالدارۍ سکټور ودې او پراختیا ته زمینه برابرول دي.
