لغمان کې د څارویو خوندیتوب په موخه د پرازیټونو پر وړاندې مبارزه پیل شوه
۴ وری ۱۴۰۳ه.ش
۱۳ رَمَضانُ المُبارَک ۱۴۴۵ه.ق
د لغمان دکرنې، اوبولګولو او مالدارۍ ریاست ددې ولایت په مرکز او ولسوالیو کې د مالدارانو او کوچیانو د څارویو خوندیتوب په موخه څارویو ته د بهرني پرازیټونو او کانګو تبې د وقایې په موخه د درمل شیندنې پروګرام پیل کړی دی.
د لغمان دکرنې، اوبولګولو او مالدارۍ رییس الحاج مولوی محمد ولي محسن وویل، چې ددې پروسې په ترڅ کې د څارویو د بهرني پرازیټونو د له منځه وړلو په موخه پر څارویو د «ټرای کلورپام» په نوم درمل شیندل کېږي، چې وسره د کانګو ناروغۍ په ګډون د یوشمېر بهرنیو پرازیټونو مخه نیول کېږي.
دا پروګرام د لغمان دکرنې ریاست د پراختیایي بودیجې له لارې پلي کېږي، چې موخه یې د مالدارانو ملاتړ، د څآرویو د ناروغیو کچې ټیټول او په ټوله کې د مالدارۍ سکټور ودې او پراختیا ته زمینه برابرول دي.
