لغمان کې د ناروغیو او افاتو هراړخیز کنټرول په پار ننداریزې کروندې جوړېږي
د لغمان دکرنې، اوبولګولو او مالدارۍ ریاست په دې ولایت کې د بوټو د ناروغیو او افتونو هر اړخیز کنټرول او اقلیم سره برابرې کرنې په پار ننداریزې کروندې جوړوي.
د لغمان دکرنې ریاست د چاراکو په خبره د یادو ننداریزو کروندو د جوړولو په پآر پر یوشمېر بزګرانو ۲۶ بېلابېل توکي وېشل شوي دي.
د یادو ننداریزو کروندو له لارې به په مهترلام او علیشنګ کې ټولټال ۱۸۸ بزګرانو ته د ناروغیو د هر اړخیز کنټرول، زیرکې او اقلیم سره برابري کرنې په برخو کې نظري او عملي روزنه ورکړل شي.
د لغمان دکرنې ریاست هڅه کوي چې د بزګرانو ظرفیتونه لوړ کړي، ترڅو د ناروغیو هراړخیز کنټرول ترسره، اقلیم سره برابره کرکېله ترسره شي، چې په ترڅ کې یې بزګران زیات حاصلات ترلاسه او اقتصاد یې پیاوړی شي.
