غزني کې پر لسګونو بڼوالو کیمیاوي سرې او د بڼوالۍ توکي ووېشل شوې
۷ مرغومې ۱۴۰۲ه.ش
۱۵ جُمَادَى الثاني ۱۴۴۵ ه.ق
د غزني دکرنې، اوبولګولو او مالدارۍ ریاست د مسلم هنډ مؤسسې په همکارۍ ددې ولایت پر ۱۰۰ بڼوالو د کیمیاوي سرو ترڅنګ د بڼوالۍ اړونده توکي وېشلي دي.
د غزني دکرنې، اوبولګولو او مالدارۍ رییس مولوی محمدادریس حنیف وویل، چې په دغو وېشل شویو توکو کې هر بڼوال ته یوه بوجۍ سپینه او یوه بوجۍ توره سره، لاسي کراچۍ، د درمل شېدنې پمپونه، بېلچې، غچې او یوشمېر نور اړین توکي ورکړل شوي دي.
ددې مرستې موخه د بڼوالو ملاتړ او په ټوله کې میکانیزه او عصري بڼوالۍ ودې او پراختیا ته زمینه برابرول دي.
