غزني کې د بڼونو خوندیتوب په موخه پر یوشمېر بڼوالو درمل ووېشل شوې
۱ وری ۱۴۰۳ه.ش
۱۰ رَمَضانُ المُبارَک ۱۴۴۵ه.ق
د غزنې دکرنې، اوبولګولو او مالدارۍ ریاست ددې ولایت د بڼونو خوندیتوب په موخه د دې ولایت د «آب بند، قره باغ، دهیک او واعظ» ولسوالیو پر ۴۱۸ کروندګرو لایم سلفر او چونه وېشل شوي دي.
لايم سلفر يوه ترکيبې او وقايوي درمل ده، چې په خپل ترکيب کې سلفر، چونه او اوبه لري، ياده وقايوي درمل په غوښينو مېوو دتاک يا انګورو په ګډون د مڼو، ناک او نورو... ونو باندی تطبقیږي.
د غزني دکرنې ریاست د چارواکو په خبره دغه پروګرام د لوګر دکرنې ریاست د پراختیایي بودیجې له لارې پلي کېږي، چې موخه یې د بڼوالو د بڼونو خوندي کول دي.
ونو ته د لایم سلفر د درمل شیندنې لړۍ د کب په میاشت کې مخکې ل دې، چې ونې غوټۍ وکړي(د استراحت په وروستیو ورځو کې وی) پلي کېږي، دغه درمل د ونو خاکسترک، چيچک، پاڼې سوري کېدنه او دنباتي کنو له منځه وړلو کې اغېزمن تمامېږي.
