غزني کې د بزګرانو ستونزو ته د رسېدنې په پار هڅې
۶ غبرګولی ۱۴۰۳ه.ش
۱۷ ذوالقعده ۱۴۴۵ه.ق
د غزني دکرنې، اوبولګولو او مالدارۍ رییس مولوی ګلاب الدین «ذبیح الله» د یاد ولایت د مرکز سفندي کلي له بزګرانو سره په کتنه کې د دوی ستونزې او نظرونه واورېدل.
د غزني دکرنې رییس مولوی ګلاب الدین «ذبیح الله» له بڼونو څخه د لیدنې په ترڅ کې وویل: «د غزني ډېری وکړي په کرنه او مالدارۍ بوخت دی، زموږ اصلي موخه د بزګرانو او مالدارانو ستونزو ته رسېدنه او د حاصلاتو د دزیاتوالي له لارې د دوی د عوایدو د کچې لوړول دي.»
په ورته وخت کې د سیمې بزګرانو د کرنې رییس له راتګ څخه د خوښۍ څرګندولو ترڅنګ خپلې ستونزې او نظرونه د غزني دکرنې رییس ته وړاندې او خپلو محصولاتو ته د بازار موندنې غوښتنه وکړه.
