زابل کې ۲۵ ښځینه بزګرانې وروزل شوې
![زابل کې ۲۵ ښځینه بزګرانې وروزل شوې](https://www.mail.gov.af/sites/default/files/2020-10/whatsapp_image_2020-10-31_at_1.31.11_pm.jpeg)
۱۰ لړم ۱۳۹۹
د کرنې، اوبولګولو او مالدارۍ وزارت، په زابل ولایت کې د بڼوالۍ او مالدارۍ ملي پروژې له لارې ۲۵ ښځینه کارکوونکې او بزګرې مېرمنې د مېوو او سبو د پروسس په برخه کې وروزلې.
دغه روزنیزه برنامه، چې د زابل ولایت په مرکز قلات ښار کې په لاره اچول شوې وه، ګډونوالو مېرمنو ته په کې په عملي او نظري توګه د سبو او مېوو د پروسس لارې چارې، د کورنیو باغچو د ګټو او د ژمي په ساړه هوا کې د سابو د روزنې او راټولونې لارې چارې وښودل شوې.
د زابل د کرنې ریاست چارواکي وایي، چې له دغو برنامو څخه یې موخه د سبو د کرکېلي او تولید په پرخه کې د مېرمنو وړتیا لوړول دي.