زابل کې د کرنیزو محصولاتو مدیریت د اړوندو پروژو چارې په بشپړېدودي
۲۳ تله ۱۳۹۹
د کرنې وزارت د کرنیزو محصولاتو مدیریت د پروژې له لارې په زابل کې د څه باندې ۷۹ میلونه افغانیو په لګښت د ۲۰۲ پروژو چارې نږدې څلور میاشتې وړاندې پیل کړي دي، چې تر راتلوونکو دوو اوونیو پورې به یې رغنیزې چارې بشپړ او ګټې اخیستنې ته وسپارل شي.
په دغو پروژو کې ۲۰۰ ممیزخونې او د مڼو دوه صفر انرژۍ سړې خونې جوړول شامل دي، چې رغنیزې چارې یې څه باندې ۷۵ سلنه بشپړ شوي دي. ددغو پروژو لس سلنه لګښت برخمن شوي بڼوال ورکوي.
هر یوه ممیزخونه ۱۶ مټریک ټنهاو د مڼو هره سړه خونه ۱۰ مټریک ټنه وړتیا لري او ټاکل شوې، چې تر راتلونکو دوو اوونیو پورې بشپړ او ګټې اخیستنې ته وسپارل شي.
د کرنې وزارت د کرنیزو محصولاتو مدیریت د پروژې په اډانه کې د هېواد په کچه زرګونه ممیزخونې، د پیازو او کچالو زېرمتونونه او د مېوو صفر انرژۍ سړې خونې جوړي، چې موخه یې د کروندګرو او بڼوالو د حاصلات خوندیتوب او مدیریت دي.
