زابل کې د ځمکې غصب او غصب شویو ځمکو د بېرته راګرځولو تخنیکي پلاوي کړنې
۱۴ وږي ۱۴۰۲ه.ش
۱۹ صَفَرُ المُظَفَّر ۱۴۴۵ه.ق
د زابل ولایت د ځمکې غصب مخنیوي او غصب شویو ځمکو د استرداد تخنیکي ټیم د غصب شویو ځمکو پلاوی هلې ځلې کړندي کړي دي.
د دغو هلو ځولو په دوام د زابل ولایت د غصب مخنیوي او غصب شویو ځمکو د استرداد تخنیکي ټیم د مرکز قلات له بازار څخه لیدنه وکړله.
یاده لیدنه چې د مرکز قلات په بازار کې د ښاري نقشې د تطبیق اودهغه دوکاندارنو او کسبه کارانو چې د ښاري قانونو خلاف يې دوکانونه رامخته کړي وو او یا هم له پیاده رو څخه یې استفاده کوله ورته هدایت او لارښونه وشوه.
په یاده لیدنه کې د ښارجوړونې، قلات ښاروالۍ او ټولګټو ریاست انجنیرانو هم د تخنکي ټیم ملتیا کوله.
باید وویل شي، چې زابل کې د ځمکې د غصب مخنیوی او غصب شویو ځمکو د بېرته را ګرځولو د کمېټه تر دې دمه په دې ولایت کې د ډېرو امارتي ځمکو د غصب مخنيوی کړی او د ټول ولایت په کچه د ځمکو د غصب د مخنيوي او د غصب شويو ځمکو د بېرته ګرځولو په موخه يې د عملياتي پلان تطبيق جريان لري.
