د ۱۴۰۲ یم کال پسرلی د هرکلي په پار د بزګر مېله او پسرلني نندارتون کې غرفه واخلئ او خپل تولیدات خرڅ کړئ

mail-admin
چهارشنبه ۱۴۰۱/۱۱/۱۲ - ۱۴:۱۱
hgjghj

د ۱۴۰۲ یم کال پسرلی د هرکلي په پار د بزګر مېله او پسرلني نندارتون کې غرفه واخلئ او خپل تولیدات خرڅ کړئ
ټاکل شوې، چې د کرنې، اوبولګولو او مالدارۍ وزارت د خصوصي سکټور د پراختیا ریاست له خوا د ۱۴۰۲یم کال پسرلی د هرکلی په پار د بزګر مېله او اته ویشتم کرنیز نندارتون د ۱۴۰۱ ام کال د کب له ۲۴ تر ۲۷ مې نېټې، د سلګونو تولیدوونکو، متشبثینو، سوداګرو او لسګونه زره نندارچیانو په ګډون د څلورو ورځو لپاره د کابل په بادام‌باغ کې په لاره واچول شي.
په دې نندارتون کې، د کرنې، بڼوالۍ او مالدارۍ اړوند بېلابېل ښه کیفیت لرونکي توکي، کرنیز او د مالدارۍ پروسس شوي توکي، لاسي صنایع، وطني غوره زعفران، طبي بوټي او نباتات، د اوبولګولو تجهیزات، ډول ډول نیالګي، کرنیز ماشینونه، د برېښنا تولیدوونکي لمریزې دستګاوې نندارې ته وړاندې کېږي.
بزګران او تولیدوونکي کولی شي، چې ددې نندارتون له لارې د راتلونکو همکاریو په موخه د کرنیزو محصولاتو له صادروونکو، سوداګرو او متشبثینو سره هوکړه لیکونه لاسلیک کړي. 
په همدې موخه ټولو هغو شرکتونو ته چې د کرنیزو توکو، اوبولګولو، بڼوالۍ او مالدارۍ په برخو کې کار کوي خبر ورکول کېږي، چې ستاسو د محصولاتو د نندارې لپاره ددې نندارتون غرفې د ۱۴۰۱ ام کال د سلواغې له ۱۵ د کب تر ۲۰ مې نېټې پورې وېشل کېږي. په مهربانۍ سره د ثبت او غرفې تر لاسه کولو په موخه د کرنې، اوبولګولو او مالدارۍ وزارت د خصوصي سکټور د پراختیا ریاست د کرنیزو نندارتونونو امریت ته مراجعه وکړئ.

تازه ترین اخبار

پنجشنبه ۱۴۰۳/۱/۹ - ۱۳:۳۴
Background image

هلمند کې د پستې نیالګیو تولید په پارهڅې، د پستې زرګونه نیالګي تولیدېږي

۹ وری ۱۴۰۳ه‍.ش
۱۸ رَمَضانُ المُبارَک ۱۴۴۵ه‍.ق
د هلمند ولایت د کرنې، اوبولګولو او مالدارۍ ریاست لخوا، د طبیعي سرچینو آمریت اړوند د مرکز لښکرګاه د بولان د نیالګیو روزنځای کې د پستې   پنځه. . .

پنجشنبه ۱۴۰۳/۱/۹ - ۱۳:۲
Background image

ننګرهار کې  ۷۲ زره څارویو ته د چنجیو ضد درمل  او واکسینونو د تطبیق چارې پیل شوې 

۹ وری ۱۴۰۳ه‍.ش
۱۸ رَمَضانُ المُبارَک ۱۴۴۵ه‍.ق
د ننګرهار د کرنې، اوبولګولو او مالدارۍ ریاست په هڅو دافغانستان لپاره د هالینډ کمیټې له لورې د ننګرهار ولایت په ۱۳ ولسوالیو کې څارویو ته د. . .

پنجشنبه ۱۴۰۳/۱/۹ - ۱۳:۱
Background image

ننګرهار کې پر زرګونو مالدارانو د څارویو خوراکي توکي وېشل کېږي 

۹ وری ۱۴۰۳ه‍.ش
۱۸ رَمَضانُ المُبارَک ۱۴۴۵ه‍.ق
د ننګرهار دکرنې، اوبولګولو او مالدارۍ رییس مولوی عبدالستار محمد د اکشن اېډ مؤسسې او هلال هډ،ا کرنیز شرکت چارواکو سره په کتنه کې د یادو. . .

بازگشت