د کوکنارو بدیل کرکیلې په پار د کندهار په دوو ولسوالیو کي پر لسګونه بزګرانو د پنبې تخمونه او کیمیاوي سرې ووېشل شول
۳۰ وری ۱۴۰۵ه.ش
۲ ذُو ٱلْقَعْدَةِ ۱۴۴۷ه.ق
د کندهار د کرنې، اوبو لګولو او مالدارۍ ریاست په هڅه، د ملګرو ملتونو د مخدره توکو او جرمونو پر وړاندې د مبارزي نړۍوال سازمان په مالي ملاتړ او د هالنډ کمیټې په تخنیکي همکاري د کندهار په ارغستان او خاکریز ولسوالیو کې ۹۰ تنه اړمنو بزګرانو ته د پنبې اصلاح شوي تخم او کیمیاوي سري ووېشل شوې.
د کندهار دکرنې ریاست د چارواکو په وینا، په دې مرسته کي ۹۰ تنه د ارغستان او ۳۰ تنه د خاکریز ولسوالۍ شامل وه، چې هر بزګر ته ۱۲ کیلو د پنبې اصلاح شوي تخم، ۵۰ کیلو توره سره او ۵۰ کیلو سپینه سره د عادلانه او رڼئ پروسې له لارې ووېشل شوه.
د مرستي موخه د کوکنارو بدیل کښتونه موندل، د بزګرانو عاید لوړول، د کمي مځکي څخه زیات عاید ترلاسه کول او د بزګرانو اقتصادي ملاتړ دي.
د یادوني وړ ده، چې د مرستي برخمن شویو بزګرانو ته د پنبې کرنې او لوړ حاصل ترلاسه کولو اړوند عملي او نظري روزنه هم ورکړل شوې وه.
