د کونړ کرنې ریاست کې زده کړیالانو ته د عملي زده کړو زمینه برابره شوې
١۹ لیندۍ ۱۴۰۲ه.ش
۲۷جُمَادَى الأول ۱۴۴۵ ه.ق
د کونړ دکرنې ریاست چارواکي وایي، چې ددې ریاست اړوندو فارمونو کې دکرنې او مالدارۍ برخې زده کړیالانو ته د عملي زده کړې زمینه برابره شوې ده.
په همدې موخه ، ددې ولایت د مرورې ولسوالی دکرنې مسلکي انسټیټوټ ۲۸ زده کړیالانو ته د سالار باغ څېړنیز فارم کې په بېلابېلو برخو کې عملي زدهکړې ورکول کېږي.
یادو زده کړیالانو ددې فارم د بېلابېلو برخو په تړاو او په فارم کې د ټولو شته امکاناتو او مالدارۍ سيستمونو، د مختلفو نسلونو پېژندنه، د فارم د صحي خدماتو، توليداتو او نورو برخو څخه عملاً لیدنه کوي.
ددې پروګرام په ترڅ کې ددغې فارم د شته چارواکو او پرسونل له لوري یادو زده کړیالانو ته بشپړ معلومات ورکول کېږي.
