د کونړ په یو شمېر بڼوالو د بڼوالۍ توکي ووېشل شول
۲۰ غویی ۱۴۰۰
د کونړ د کرنې، اوبولګولو او مالدارۍ ریاست له خوا ددې ولایت پر یوشمېر بڼوالو د بڼوالۍ اړونده توکي وېشل شوي دي.
د کونړ د کرنې ریاست چارواکي وایي، چې ددې ولایت په ۲۳ بڼوال د بڼوالۍ اړوند ۱۰ توکي، چې په کې د دوا شیندنې پمپ، محافظتي جامې، د ښاخبري وړه او غټه قیچې، د ښاخبري اره، او زینه شامل دي، په دې ولایت کې د عصري بڼوالۍ د ترویج په موخه پر بڼوالو وېشل شوي دي.
ددغو مرستو د وېش موخه د بڼوالو ملاتړ او په دې ولایت کې د بڼوالۍ د محصولاتو معیاري کول دي.
