د کندهار کښته میوند ولسوالی کې پر لسګونو بزګرانو د غنمو تخم، کیمیاوي سره او نغدې مرسته ووېشل شوه
۲۳ لړم ۱۴۰۳ه.ش
۱۱ جُمَادَى الأول ۱۴۴۶ه.ق
د کندهار کرنې، اوبو لګولو او مالدارۍ ریاست په هڅو، او د یو خصوصي خیریه بنسټ په مالي ملاتړ، په کندهار کښته میوند ولسوالی کې ۵۰ بې وزله او سېلاب ځپلو بزګرانو ته د غنمو اصلاح شوي تخم، کیمیاوي سره او هغدې مرسته ووېشل شوه.
په دې مرسته کې هر بزګر ته ۱۰۰ کیلوګرامه د غنمو اصلاح شوي تخم، ۲۰۰ کیلوګرامه سپینه سره، ۱۰۰ کیلوګرامه توره سره، او ۶ زره افغانۍ نغدې مرسته ورکړل شوه.
په دې مرسته کې هغه بزګران شامل دي چې څلور جریبه ځمکه لري، خو د کښت کولو توان نه لري. ځمکه یې اوبه لري، او د کرنې ریاست د یادې مرستې سره سم به روان کال کرنه ترسره کړي، چې موخه یې د بزګرانو ملاتړ او د هغوی د اقتصادي وضعیت ښه کول دي.
د یادونې وړ ده، چې د کندهار د کرنې ریاست اوس د کرنې او مالدارۍ سکتور ته تر بل هر وخت زیاته پاملرنه کړې ده. چې په دې لړ کې یې څه کم یوه میاشت وړاندې هم په معروف ولسوالۍ کې۵۰ بزګرانو سره ورته مرسته ترسره شوې وه.
