د کندهار کوکران څېړنیز فارم کې په ګڼو تیلې او صنعتي نباتاتو څېړنې روانې دي
۱۸چنګاښ ۱۴۰۳ه.ش
۲ مُحَرَّمُ الحَرام ۱۴۴۶ه.ق
د کندهار د کرني، اوبو لګولو او مالدارۍ ریاست د کرنیزو چارو آمریت اړوند د کرنیزو څېړنو مدیریت مسلکي کارکوونکو لخوا د کوکران څېړنیز فارم کي پر ګڼو تېلي او صنعتي بوټو څیړنې روانې دي.
په یادو څېړنو کې د پسرلنیو نباتاتو لکه زغر،کونځله، شنه مۍ، ممپلۍ، پنبه، سویابین، شړشم او لمر ګل ننداریزې کروندې جوړ شوي او ترڅنګ یې د بېلابېلو مېوه لرونکو ونو نیالګي هم روزل کېږي.
تر څېړنو او د مثبتو پایلو ترلاسه کولو وروسته بیا ترلاسه سوي تخمونه د کرنې وزارت مقام د ځانګړې کړنلارې له مخې خصوصي او نیمه امارتي کرنیزو تصدیو ته په واک کي ورکول کېږي، تر څو هغوی یې تکثیر او بیا یې تر بزګرو پورې ورسوي.
د کندهار دکرنې ریاست په پام کې لري، چې په کندهار کې د بېلابېلو نباتاتو، حبوباتو، سبو او مېوو د تخمونو د اصلاح، ترویج او تکثیر په برخه کي د خپلو مسلکي کارمندانو په مټ کار وکړي تر څو له مخي یې د ځمکوالو حاصلات لوړ او د قناعت وړ عاید ترلاسه کړي.
