د کندهار کرنې او مالدارۍ د پیاوړتیا لپاره ۱۳ سترې او وړې پروژې پلي کېږي

mail-admin
یکشنبه ۱۴۰۳/۹/۱۸ - ۱۰:۱۱
د کندهار کرنې او مالدارۍ د پیاوړتیا لپاره ۱۳ سترې او وړې پروژې پلي کېږي

د کندهار د کرنې، اوبو لګولو او مالدارۍ ریاست په نوښت، د اقتصاد ریاست په همغږۍ، د ملګرو ملتونو د نړۍوال پراختیایي ټولنې په مالي ملاتړ او د (ډې، آر، سې) مؤسسې په تخنیکي همکارۍ د کندهار په ولایت کې ۱۳ سترې او وړې پروژې پلي کیږي. 
یادې پروژې به د کندهار په ۱۱ ولسوالیو کې د چکډېمونو جوړولو، استنادي دېوالونو جوړولو، د اوبو مهار بندونو جوړولو او نورو برخو کې پلي شي.
 ددغو پروژو د بریالي تطبیق لپاره یوه هر اړخیزه سروې ترسره شوه. دکندهار دکرنې ریاست د طبیعي زېرمو آمریت مسؤلین وایي، چې دغه سروې د آمریت اړوند تخنیکي انجنیرانو، انجنیر روح الله روحانې او انجنیر سلیمان څاګر له لورې د پنجوایي، خاکریز، لوړ میوند، کښته میوند، ډنډ، ژړۍ، کښته شاولیکوټ، غورک، دامان، معروف او سپین بولدک ولسوالیو کې ترسره شوه.
 په دې سروې کې د مؤسسې استازي او د ولسوالیو استازي هم ګډون درلود. د سروې اصلي موخه د چکډېمونو، استنادي دېوالونو او مهار بندونو لپاره اغېزمن او ستراتیژیک ځایونه په نښه کول وو، ترڅو د دې پروژو په تطبیق سره د کندهار د کرنې او مالدارۍ سکتور نور هم پیاوړی او پرمختللی شي.
د دې پروژو له لارې به بزګرانو ته د اوبو د سطحې لوړولو، د اوبو د ضایع کېدو مخنیوي او د اوبو د اغېزمنې مدیریت زمینې برابرې شي. سربېره پر دې، یادې پروژې به ځایي اوسیدنکو ته د کاري فرصتونو د رامنځته کولو له لارې د دوی اقتصادي ودې ته زمینه برابره کړي.
باید وویل شي، چې د دغو پروژو عملي چارې په ۲۰۲۵ کال کې پیلېږي، چې د کندهار په ۱۱ ولسوالیو کې به پلي شي.

تازه ترین اخبار

یکشنبه ۱۴۰۴/۴/۱ - ۱۰:۱۱
Background image

د کرنې وزارت اداري رییس سرپل ولایت ته د خالصه جایدادونو او عایداتي سرچینو د ارزونې په موخه سفر وکړ


۱ چنګاښ ۱۴۰۴ ه‍.ش
۲۵ ذُو الحِجَّةِ ۱۴۴۶ه‍.ق
د کرنې، اوبو لګولو او مالدارۍ وزارت اداري رییس قاري محمد اکبر امیني، د خالصه جایدادونو د تثبیت او اجاره ورکولو په موخه سرپل ولایت ته سفر وکړ. . .

شنبه ۱۴۰۴/۳/۳۱ - ۱۴:۱۸
Background image

د کرنې وزیر د روسیې د انرژۍ وزارت له مرستیال سره وکتل


۳۱ غبرګولی ۱۴۰۴ ه‍.ش
۲۴ ذُو الحِجَّةِ ۱۴۴۶ه‍.ق
د افغانستان د کرنې وزیر مولوي عطاءالله عمري،د یوه پلاوي په ملتيا د ۲۰۲۵ کال د روسیې د اقتصادي کنفرانس په څنډه کې د دغه هېواد د انرژۍ. . .

شنبه ۱۴۰۴/۳/۳۱ - ۱۱:۵۱
Background image

د افغانستان د کرنې وزیر او مل پلاوي یې د روسیې له ځینو پانګوالو سره وکتل

۳۱ غبرګولی ۱۴۰۴ ه‍.ش
۲۴ ذُو الحِجَّةِ ۱۴۴۶ه‍.ق
د افغانستان اسلامي امارت د کرنې وزیر مولوي عطاءالله عمري، د صنعت، سوداګرۍ او اقتصاد وزارتونو د لوړپوړو چارواکو، د سوداګرۍ او پانګونې خونې. . .

بازگشت