د کندهار ژړۍ کې د اوبو رسولو کانال چارې ۴۰ سلنه بشپړې شوې

mail-admin
پنجشنبه ۱۴۰۳/۹/۲۹ - ۱۱:۱۲
د کندهار ژړۍ کې د اوبو رسولو کانال چارې ۴۰ سلنه بشپړې شوې

۲۹ لېندۍ ۱۴۰۳ه‍.ش
۱۷ جُمَادَى الثاني۱۴۴۶ه‍.ق
د کندهار د کرنې، اوبو لګولو او مالدارۍ ریاست په هڅو، د اقتصاد ریاست په همغږۍ او د ملګرو ملتونو د پرمختیایي پروګرام (یو. ان. ډې. پي) ادارې په مالي ملاتړ، د سولې بنسټ مؤسسې د سیبارډ پروګرام له لارې، د ژړۍ ولسوالی په مهاجرینو سیمه کې د "ګورۍ" په نوم د اوبو رسولو کانال جوړولو چارې پیل شوي، چې تر دې دمه ۴۰ سلنه یې بشپړې شوي دي.
د کندهار دکرنې ریاست د طبعي سرچینو آمریت انجنیر نورمحمد همکار وایي، دغه کانال ۳.۵ کیلومتره اوږدوالی، ۷۵ سانتي‌متره لوړوالی او ۱.۳۰ متره پراخوالی لري. د هغه په وینا، پاتې چارې به د راتلونکو ۲ میاشتو په موده کې په اساسي او پایداره ډول بشپړې شي. نوموړی زیاتوي چې د کانال د جوړېدو ترڅنګ ۲۰ کسانو ته په فني او ۸۰ کسانو ته په غیرفني ډول د کار زمینه برابره شوې ده.
په ورته وخت کې، د ژړۍ ولسوالی سیمه ییز اوسېدونکي د کرنې ریاست او ملګرو ملتونو د پرمختیایي پروګرام (یو. ان. ډې. پي) ادارې څخه خوښ دي او هیله څرګندوي، چې د دې کانال له جوړېدو سره به د اوبو رسولو ستونزې هوارې شي.
د یادونې وړ ده، چې میاشت وړاندې د کندهار د کرنې ریاست په هڅو او د ملګروملتونو پراختیایي ادارې په مالي ملاتړ، د سپین بولدک ولسوالی په بېلابېلو سیمو کې د ۵.۸ میلیونه افغانیو په ارزښت د درېیو نورو اوبو رسولو کانالونو د جوړېدو چارې پیل شوې وې.

تازه ترین اخبار

سه‌شنبه ۱۴۰۳/۱۲/۲۱ - ۱۰:۱۴
Background image

د خوست باک ولسوالی کې د زیتونو بڼونه جوړېږي

د خوست دکرنې، اوبولګولو او مالدارۍ ریاست چارواکي وایي، چې د ملګرو ملتونو د خوړو او کرنې ادارې په همکارۍ د خوست ولایت د باک ولسوالی په «سپیرکي، توکاک او کوټکی» کلیو کې د زیتونو نیالګیو. . .

سه‌شنبه ۱۴۰۳/۱۲/۲۱ - ۱۰:۱۳
Background image

پکتیا کې د ځنګلونو د بیارغونې او پراختیا په موخه د چهارمغزو نیالګيو د وېش لړۍ پیل شوه

د پکتیا ولایت دکرنې، اوبولګولو او مالدارۍ ریاست له لورې ددې ولایت د مرکز په ګډون په اریوب ځاځی، پټان، میرزکه، شواک، ګرده څیړۍ، وزي ځدران، لجه منګل او احمد خیلو ولسوالیو ته ۶۰۰۰ د چهار. . .

سه‌شنبه ۱۴۰۳/۱۲/۲۱ - ۹:۲۶
Background image

امارتي ځمکو کې د مخابراتي انتنونو تشخیص او تثبیت

د عاليقدر امیرالمؤمنین حفظه‌الله د حکم پر اساس، د کرنې، اوبولګولو او مالدارۍ وزارت مالي او اداري مرستیالۍ په پام کې لري، چې په مرکز او ولایتونو کې په امارتي ځمکو کې ټول مخابراتي انتنونه. . .

بازگشت