د کندهار دوو ولسوالیو کې د امارتي ځمکو د غصب مخه ونیول شوه
۱۷ کب ۱۴۰۲ه.ش
۲۵ شَعبان المُعَظّم ۱۴۴۵ه.ق
د کندهار ولایت د ځمکې غصب مخنیوی او غصب شویو ځمکو بېرته راګرځولو کمېټې په لارښوونه ددې ولایت لوړ شاولیکوټ او دامان ولسوالۍ په بېلابېلو سیمو کې د نویو خپلسرو تصرفاتو مخه ونیول شوه.
د غصب د مخنیوی په دې کمپاین کې د یادو ولسوالیو امنیه قوماندانۍ، اړونده حوزې او دکرنې چارواکو برخه اخیستې وه، چې د ګڼو اشخاصو او افرادو لخوا تازه جوړېدونکي ودانۍ ړنګ او په سیمه کې د هر ډول خپلسرو تصرفاتو مخه ونیول شوه.
د یادونې وړ ده، چې د کندهار په ولایت کې تر دې وړاندې هم د سلګونه جریبه ځمکې د غصب مخنیوی شوی دی.
