د کندهار درېیو ولسوالی کې د شېدو راټولولو پر۴ مرکزونو اړین توکي ووېشل شوې
۲۴ چنګاښ ۱۴۰۴ ه.ش
۱۹ مُحَرَّمُ الحَرام ۱۴۴۷ه.ق
د کندهار د کرنې، اوبو لګولو او مالدارۍ ریاست په هڅو، د اروپایي ټولنې په مالي ملاتړ، د هالنډ کمېټې په تخنیکي همکارۍ او د مالدارۍ آمریت تر مستقیمې څارنې لاندې د کندهار بولدک، ډنډ او پنجوايي ولسوالیو د شېدو راټولولو څلورو مرکزونو ته د ۸۰۰ امریکایي ډالرو په ارزښت اړین توکي ووېشل شوې.
په دې مرسته کې هر مرکز ته د ۲۰۰ ډالرو په ارزښت یوه د ګاز ډبه، د شېدو پخولو لپاره یو غټ دیګ، د انتقال لپاره شپږ المونیمي ډبې، د سندل پخولو غټ کړایي او د سندل جوړولو لپاره ۵ قالبونه ورکړل شوي دي.
یاده مرسته د دوهم ځل لپاره د اړتیاوو پر بنسټ ترسره شوه، چې موخه یې د دغو مرکزونو تجهیز، اقتصادي ملاتړ او د لبني محصولاتو د تولید لپاره د معیاري وسایلو کارونه او زمینه برابرول دي.
د یادونې وړ ده، چې د کندهار د کرنې ریاست په هڅو او د اروپایي ټولنې په مالي ملاتړ تر دې مخکې هم ۶۴ بېوزلو مالدارانو ته د شېدو د راټولولو او انتقال لپاره اړین توکي وېشل شوي دي، ترڅو د عنعنوي وسایلو پر ځای له معیاري وسایلو څخه ګټه واخلي.
