د کندهار درېیو ولسوالیو کې لسګونو بڼوالو سره د بڼوالۍ اړونده توکو مرسته وشوه
د کندهار د کرنې، اوبولګولو او مالدارۍ ریاست د سولې بنسټ مؤسسې په همکارۍ ددې ولایت د پنجوایي، نېش او ژړۍ په ولسوالیو کې د بڼوالۍ د پیاوړتیا او د نشه یي توکو دمخنیو په موخه پر لسګونو بڼوالو د بڼوالۍ اړونده توکي وېشلي دي.
ددغو مرستو د وېش موخه د بڼوالو ملاتړ او په دې ولایت کې د بڼوالۍ د محصولاتو معیاري کول دي.
د کندهار دکرنې ریاست هلې ځلې کوی، چې روزنیزو پروګرامونو سره د بڼوالو وړتیا لوړ او د دوی د بڼونو محصولات ډېر او ښه کړي، چې هم د بڼوالو عواید زیات شي هم بزګران مشروع کرکېلي ته مخه کړي.
له دغو توکو څخه برخمن شوي بڼوال د کرنې وزارت له هلوځلو څخه د منني ترڅنګ ژمنه وکړه، چې د بڼوالۍ د حاصلاتو د زیاتوالي په پار هلې ځلې کوي.
