د کندهارپنجوايي کې یوشمېر بزګرانو ته د عضوي سرې د وېش لړۍ پيل شوه
د کندهار دکرنې، اوبولګولو او مالدارۍ ریاست له خوا د خصوصي سکټور په همکارۍ ددې ولایت دپنجوایي ولسوالۍ یوشمېر بزرګانو ته د کروندو د ښې پالنې لپاره عضوي سره ورکول کېږي.
د کندهار دکرنې، اوبولګولو او مالدارۍ ریاست مسوولین وایي، چې ددې ولایت د کرنې ریاست په همغږۍ او د خصوصي سکټور په تخنیکي همکارۍ دیاد ولایت په پنجوایي ولسوالۍ کې یوشمېر کروندګرو ته د عضو سرو د ویش لړۍ پیل شوې ده، چې له مخې څلور زره او ۲۵۰ لیټره هیومیک اسیډ یا عضوي سره وېشل کېږي.
تر دې وړاندې هم ددې ولایت په څو ولسوالیو کې یوشمېر کروندګرو سره د کیمیاوي سرو مرسته شوې وه او بزګرانو ته د کښت او کروندې په اړه د بېلابېلو تخنيکونو روزنه هم ورکړل شوي دي.
