د کندز دکرنې ریاست: ددې ادارې شپږ عرادې ټراکټورونه ترمیم شوي دي
۲ غویی ۱۴۰۳ه.ش
۱۲ شَوّال المُکَرَّم ۱۴۴۵ه.ق
دکندز د کرنې، اوبولګولو او مالدارۍ ریاست اړوند د میکانیزي مدیریت کې شپږ عرادې ټراکټورونه ترمیم او بیا ځل دکار لپاره چمتو شوي دي.
د کندز د کرنې، اوبولګولو او مالدارۍ رییس الحاج مولوی امان الله حسن وویل، چې دغه ټراکټورونه د کرنې ریاست د پراختیایي بودیجې له لارې ترمیم شوي او د بزګرانو په خدمت کې دي.
د ښاغلي حسن پ خبره دغه ټراکټورونه هر ډول فعالیت ته چمتو دي، او غوښتونکي کولای شي دغه ټراکټورونه د اجارې ورکولو د میکانیزم او کړنلارې له مخې د دې ادارې له لارې په اجاره واخلي.
د کندز ولایت د کرنې ریاست هڅه کوي، چې د کرنیزې ماشینرۍ په ترویج او د کرنې په میکانیزه کولو سره د دولت د عوایدو کچه لوړه او د دغه ولایت بزګرانو ته وړ خدمات وړاندې کړي.
