د کرنې وزیر د جاپان د نړیوالو همکاریو د اژانس (JICA)له نوی استازی سره وکتل
۲۵ چنګاښ ۱۳۹۸
د کرنې، اوبولګولو او مالدارۍ وزیر نصیر احمد درانی دخپل کار په دفتر کې، افغانستان لپاره د جاپان د نړیوالو همکاریو د اژانس (JICA) له نوی استازی ښاغلی کازویزا رای سره وکتل.
په دې کتنه کې دواړو خواوو د کرنې د وضعیت پر ښه کولو او افغانستان لپاره د جاپان د همکاریو پر دوام خبرې اترې وکړې.
ښاغلی رای د کرنې، اوبولګولو او مالدارۍ د پراختیا په برخه کې د نصیر احمد دارنی هلې ځلې وستیال او ژمنه یې وکړه، چې جاپان له افغانستان سره اوږد مهاله همکاري کوی.
ښاغلی رای د افغانستان د کرنې په برخه کې د دوو پروژو د فعالیت د دویم پړاو د پیل خبره هم وکړه. دا دوه پروژې د وریجو د پراختیا په برخه کې د «RIPA»تر عنوان لاندې او د وړتیا لوړولو په برخه کې د «CDIS»تر عنوان لاندې پروژې دي، چې د کرنې وزارت تر چتر لاندې د جاپان په مرسته فعالیت کوی.
ښاغلی رای زیاته کړه، چې ددغو پروژو د دویم پړاو مالي ملاتړ هم د جاپان له خوا کیږي.
د کرنې وزارت ددغو دوو پروژو د دویم پړاو د ملاتړ په پار باید تر راتلونکو دوو اوونیو پورې خپل وړاندیز ثبت کړي، تر څو د جاپان د همکاریو اژانس وکولای شي، چې ددغو دوو پروژو د اړتیا وړ بودیجه په پام کې ونیسي.
په دې غونډه کې ښاغلی درانی ټینګار وکړ، چې دواړه پروژې په ځانکړې توګه د وریجو د پرختیا پروژه دې باید په لا ډېر موثریت او مثمریت پلي شي.
ښاغلی درانی د جایکا له استازی څخه وغوښت چې، په افغانستان کې د تولیدي وریجو د کیفیت پر ښه کولو دې ډېر تمرکز وکړي.
دواړو خواوو ژمنه وکړه، چې د کرنې د وضعیت ښه کولو په پار په کډه کار کوی او په راتلونکې کې به د کرنې په برخه کې ښې پروژې پلي کوی.
