د کرنې وزارت د اراضۍ رییس د هرات ولايت د ځمکوالۍ څانکې له کارکوونکو سره وکتل
۱۰ سلواغه ۱۴۰۳ه.ش
۲۹ رَجَب المُرَجَّب ۱۴۴۶ه.ق
د کرنې، اوبولګولو او مالدارۍ وزارت د اراضۍ رییس مولوي محمود مظلوم او ورسره مل پلاوی يې د هرات ولايت د کرنې رياست د ځمکوالۍ څانګې له آمرينو او کارکوونکو سره وکتل.
په دغه لیدنه کې د اراضۍ لوی رياست يو شمېر مسؤلین، حقوقي او تخنيکي برخې سلاکاران او د هرات ولايت د ځمکوالۍ څانګې کارکوونکو ګډون درلود.
په پیل کې د هرات ولايت د اراضۍ برخې آمرينو او کارکوونکو د ځمکوالۍ په برخه کې د ترسره شوي اجراآتو، شته ستونزو او همدارنګه په مختلفو برخو کې د يو شمېر اړتياوو په هکله خبرې وکړې.
ورپسې د اراضۍ لوی رییس مولوي محمود مظلوم د یادو کارمندانو د خبرو اورېدو وروسته مربوطه څانګو ته د يادو کارکوونکو د ستونزو د حل په موخه لازمې لارښوونې وکړې او همدارنګه يې له نوموړو سره د هر راز همکارۍ ژمنه هم وکړه.
