د کرنیزې پرمختیا صندوق او د افغانستان اکسس مالي مؤسسې مدیره پلاوی تر منځ ناسته ترسره شوه
د کرنیزې پرمختیا صندوق او د افغانستان اکسس مالي مؤسسې مدیره پلاوي تر منځ د کرنیزې پرمختیا صندوق اجرائیوي رییس انجنیر عبدالغفور غفاري په مشرۍ ناسته ترسره شوه.
په یاده ناسته کې دهېواد د کروندګرو او کرنیزو متشبثینو د لا ملاتړ او د هېواد کرنیز سکتور د ودې او پراختیا په موخه د یادې مالي مؤسسې مدیره پلاوي له لوري د اسلامي تمویل د ترلاسه کولو غوښتنه وشوه، چې د یو لړ خبرو اترو او د نظرونو د تبادله کولو څخه وروسته د کرنیزې پرمختیا صندوق لوری د یادې مؤسسې له خوا د اسلامي مالي تمویل د غوښتنې په هکله چمتووالی څرګند کړ، ترڅو دغه یاده مالي مؤسسه د مالي منځګړي په توګه د هوکړې سره سم کروندګرو او د کرنې او مالدارۍ بېلابېلو برخو متشبثینو ته چې په مستقیم او یا غیر مستقیم ډول په کرنیزو چارو کې ښکیل دي اسلامي تمویلات وړاندې کړي.
اکسوس د کوچني اسلامي تمویلاتو خورا اغېزمن چوپړونه رامنځته او چمتو کوي او د خپلو پېرودونکو دوامداره معیشت ته وده ورکوي.
