د کارکوونکو د کاري مهارتونو د لوړولو لپاره د ځمکوالۍ په تخنیکي او حقوقي برخو کې غونډه دائره شوه
د کرنې، اوبولګولو او مالدارۍ وزارت د ځمکو چارو ریاست په مقام کې د کارکوونکو د علمي وړتیا لوړولو په موخه د یاد ریاست لوی رییس ملا عبدالرحمن رحماني په مشرۍ غونډه دائره شوه.
په دې غونډه کې د جیوډیزي او کدستر عمومي رییس مولوي سعيدالرحمن مظهري، د ارزونې او استملاک رییس مولوي حضرت محمد طیب، د سروې کدستر رییس مولوي سيد عبدالواحد هارون، د تصفيې رییس مولوي ضياء الحق ضياء، د استملاکي پروژو د همغږۍ رییس الحاج شاه جهان جلات، د ځمکو د معلوماتو د سيستم او ځمکې بانک ریيس میر سعدالدین سادات او د دغه څانګې یو شمېر آمرينو هم ګډون درلود.
دغه روزنیز پروګرام چې د ځمکو چارو لوی ریاست له خوا د هېواد په کچه په ټولو زونونو کې د ځمکې په تخنیکي او حقوقي برخو کې د کارکوونکو د علمي وړتیا لوړولو لپاره په لاره واچول شي، په څلورو (شمال ، لویدیځ ، کندهار او سوېل ختيځ ) زونونو کې بشپړ او دا پروګرام به په راتلونکې اوونۍ کې د هېواد مرکزي زون کارکوونکو لپاره پیل شي.
په دې روزنیز پروګرام کې، چې درې ورځې به دوام وکړي د مرکزي زون ( کابل، لوګر، میدان وردګ، پروان، پنجشېر، کاپيسا او بامیان) ولایتونو د تصفيې، استملاک، کدستر، دځمکو د انتقال او تبادلې، د ځمکو د معلوماتو سيسټم او د ځمکو بانک په برخه کې کارکوونکو ته د ښوونکو له لورې په بشپړه توګه معلومات ورکړل شي.
په دغه درې ورځني روزنيز پروګرام کې الحاج شاه جهان جلات او احمد فواد دراني د استملاک په برخه کې، عبدالرب صمدي او بشير نوري د تصفيې په برخه کې، غلام رباني شينواری او حبیب الله امیري د ځمکو د انتقال او تبادلې په برخه کې، احمد فواد ميران او عبدالله ترابي د کدستر په برخه کې او مير سعدالدین سادات او ذبيح الله رحمتي د ځمکو د معلوماتو سيسټم او بانک زمین په برخه کې د ښوونکې په توګه کارکوونکو ته په علمي او تفصيلي توګه به معلومات وړاندې کړي.
