د کابل موسهي کې یوشمېر مالدارانو سره مرسته وشوه
۵ تله ۱۴۰۲ه.ش
۱۲ ربیعالاول ۱۴۴۵ه.ق
دکابل دکرنې، اوبولګولو او مالدارۍ ریاست وایي، چې ددې ولایت موسهي ولسوالی کې له یوشمېر مالدارانو سره د مالدارۍ اړونده توکو مرسته وشوه.
د چارواکو په خبره دغه مرستې، چې په کې د کورت وچولو قفس، د پنېر د پرس ماشین، د کوچ جوړونې ځک او د پسونو خوراکي توکي په کې شامل دي د افغانستان لپاره د هالنډ کمېټې په همکارۍ ددې ولسوالی پر یوشمېر مالدارانو وېشل شوي دي.
ددې مرستې موخه د بېوزله مالدارانوملاتړ او په ټوله کې د مالدارۍ سکټور ودې او پراختیا ته زمینه برابرول دي.
