د کابل موسهي کې د څارویو د چنجیو ضد وقایوي کمپاین پیل شوی
۲۱ غویی ۱۴۰۲ه.ش
۲۱ شَوّال المُکَرَّم ۱۴۴۴ ه.ق
د کابل دکرنې، اوبولګولو او مالدارۍ ریاست د هالنډ کمېټې په همکارۍ ددې ولایت د موسهي په ولسوالی کې د څارویو د چنجیو « deworming» ي ضد وقايوي کمپاين پيل کړی دی.
په دې اړه جوړه شوې غونډه کې د کابل ولایت دکرنې ریاست یوشمېر چارواکو او سیمه ییزو چارواکو ګډون درلود.
ددې کمپاین موخه د مالدارانو د څارویو خوندیتوب، د دوی ملاتړ او په ټوله کې د مالدارۍ سکټور ودې او پراختیا ته زمینه برابرول دي.
